Хитой ҳукумати январь ойи давомида мамлакат коммунистик партияси интизомини бузганлиги учун 5459 нафар мансабдорни жазолади. Бу ҳақда «РИА Новости» хабар беради.
Маълум қилинишича, ёрдам пули ва нафақаларни ноқонуний олиш, хизмат машиналаридан фойдаланиш, жамоат маблағлари ҳисобидан банкетларни ташкил этиш, шунингдек, турли хил совғаларни ноқонуний олиш ва тақдим қилиш билан боғлиқ жами 3945 та қонун бузилиш ҳолати кўриб чиқилган.
Ушбу қонун бузилишларни кўриб чиққан интизомни текшириш бўйича Марказий комиссия коммунистик партиянинг муҳим органи бўлиб, коррупцияга қарши курашиш учун ташкил этилган.
Комиссиянинг маълум қилишича, 2015 йилда партия интизомини бузганлиги учун 50 мингга яқин мансабдор жазоланган.
Изоҳ (0)