Рим папаси Франциск бутун дунёда ўлим жазосини ман этишга чақирди. Бу ҳақда «ТАСС» хабар бермоқда.
«Ўлим ҳукмининг бекор қилиниши бўйича халқаро келишувга эришиш барча ҳукмдорларнинг виждонига ҳавола. Улардан католик бўлганларини бу йил бирорта ҳам олий жазо чиқармасликка чақираман»,— дея таъкидлаган папа.
Папанинг айтишича, бугунги жамият жиноятчини тавба қилиш имкониятидан маҳрум этувчи сўнгги чорасиз ҳам жиноятчиликка қарши курашишнинг самарали усулларига эга. Франциск Римда адлия вазирларининг «Ўлим жазоси бўлмаган дунё учун» деб номланган 9-халқаро конгресси иш бошлаши арафасида мазкур мавзуга мурожаат этди.
Изоҳ (0)