Ироқда ўткинчи одам 2015 йил ноябрида радиоактив моддалар омборидан йўқолган контейнерни топиб олди. Бу ҳақда Reuters агентлигига таяниб, Meduza хабар қилмоқда.
Табиатни муҳофаза қилиш бошқармаси вакилининг сўзларига кўра, кейс Аз-Зубайр шаҳридаги ёқилғи қуйиш станцияси яқинидан топилган. Унинг бу ерда қандай қилиб пайдо бўлиб қолгани номаълум. Контейнер топилган жой у йўқолган омбордан 15 километр узоқликда жойлашган.
Табиатни муҳофаза қилиш бошқармаси вакили контейнерга зарар етмаганини маълум қилди. Радиоактив заҳарланиш хавфи йўқ.
Кейсда 10 грамм иридий-192 моддаси бўлган. Намуна экспертиза ва сертификациялаш билан шуғулланувчи Туркиянинг SGS компанияси бўлинмасига тегишли бўлган ҳамда нефть ва газ жиҳозларини етказиб берувчи Weatherford компаниясининг Басрадаги омборида сақланган.
Махсус хизматлар ушбу модданинг ИШИД жангарилари қўлига тушиб қолиши мумкинлигидан хавфсираётганди.
Изоҳ (0)