Суриянинг Дамашқ шаҳри жанубида 21 февраль, якшанба куни кечқурун бир қатор портлашлар натижасида камида 30 киши ҳаётдан кўз юмди, деб хабар қилади «Интерфакс».
Портлашлар шиалар яшовчи Саида Зайнаб даҳасида содир бўлди. Суриядаги инсон ҳуқуқлари бўйича кузатув кенгаши камида тўртта портлаш юз бергани ҳақида маълум қилди.
Бу ушбу даҳада сўнгги вақтларда юз берган биринчи теракт эмас. 31 январь куни Саида Зайнабда учта портлаш амалга оширилган ва ўшанда 70 дан ортиқ одам ҳалок бўлганди. Теракт учун жавобгарликни ИШИД террорчилик гуруҳи ўз зиммасига олган.
Эслатиб ўтамиз, 21 февраль, якшанба куни Суриянинг Хомс шаҳрида ҳам миналаштирилган икки автомобилнинг портлаши оқибатида 50 га яқин одам нобуд бўлди.
Изоҳ (0)