Хонанда Райҳон ўз концертида цирк гимнастик ҳаракатларини бажаради

Хонанда Райҳон 2016 йилги концерт дастури билан боғлиқ баъзи янгиликларни маълум қилди, дея хабар бермоқда «Даракчи» газетаси.

«Шоу-дастур майда деталлардан ташкил топган йирик лойиҳа ҳисобланади. Биз бугун барча муаммоларни бартараф этиш учун ижодий гуруҳимиз билан суткасига салкам 24 соат тиним билмай ишлаяпмиз», — деди Райҳон.

«Концерт, бу — сюрприз. Агар ҳозир айтсам, у сюрприз бўлмай қолади. Лекин бир сирни айтишим мумкин — учта блокдан иборат дастурда ўтган йиллардагига ўхшамаган цирк гимнастик ҳаракатларини бажараман», — дея қўшимча қилди хонанда.

Эслатиб ўтамиз, Райҳоннинг 2016 йилги концерт дастури 23—27 февраль кунлари Тошкент шаҳридаги «Истиқлол» санъат саройида бўлиб ўтади.