Шимолий Корея АҚШнинг эътирозларига қарамай, ядровий дастурини давом эттиради

Шимолий Корея АҚШ томонидан унга қарши жорий қилинаётган янги санкцияларга қарамай, ўзининг ядровий қудратини ўстиришда давом этади. Бу ҳақда КХДР ТИВ тарқатган баёнотда айтилди, деб хабар беради «Интерфакс» агентлиги.

«АҚШ бизга нисбатан қанча душманларча ҳаракат қилса, КХДРнинг иқтисодиёт ва ядровий кучларни параллел равишда ривожлантириш курсида собит туриш қарори ҳам шунча қатъийлашиб боради», – дейилади баёнотда.

Баёнотда таъкидланишича, АҚШ президенти Барак Обама томонидан имзоланган санкциялар тўғрисидаги янги қонун КХДРнинг савдо-иқтисодий фаолиятига тўсқинлик қилиш ҳамда унга қарши психологик кураш олиб боришга қаратилган.