Volvo электроникадаги носозлик туфайли 59 минг дона автомобилни чақириб олади

Автомобиль ишлаб чиқарувчи Volvo концерни электрон тизимидаги носозлик туфайли 59 минг дона автомобилни чақириб олади. Бу ҳақда AFP берган маълумотларга асосан «ТАСС» хабар қилмоқда.

Компания вакилининг маълум қилишича, чақириб олинаётган автомашиналарнинг ярми Швецияда рўйхатга олинган.

Дастлабки маълумотларга кўра, 2016 йилда ишлаб чиқарилган машиналарнинг электроникасида аниқланган носозлик транспорт воситасидаги барча тизимларни кутилмаганда бутунлай ўчириб қўйиши мумкин.