Ливиядаги тўқнашувлар чоғида 12 киши ҳалок бўлди

Ливиядаги Бенгази шаҳрида ҳукумат кучлари ва жангарилар ўртасида бўлиб ўтган қуролли тўқнашувлар оқибатида 12 киши ҳалок бўлди, 17 киши жароҳат олди. Бу ҳақда Reuters агентлигига асосланиб, «Корреспондент.net» хабар бермоқда.

Ярадорлар ва ҳалок бўлганлар қайси томонга тегишли эканлиги ҳақида аниқ маълумот тақдим қилинмади.

Муаммар Қаддафий ҳокимияти қулаганидан сўнг Ливияда амалда иккита ҳокимият мавжуд – Триполида ўрнашган норасмий кучлар ҳамда Тобрук шаҳридаги жаҳон ҳамжамияти томонидан тан олинган ҳукумат. Шунингдек, мамлакат ҳудудида турли радикал гуруҳлар, жумладан, ИШИД жангарилари эгаллаб олган туманлар мавжуд.