АҚШ Украинада олиб борилаётган ислоҳотларни жадаллаштиришга чақирди

АҚШ давлат департаменти Қадр-қиммат инқилобининг иккинчи йиллигига бағишланган баёнотида Украинада олиб борилаётган ислоҳотларни жадаллаштиришга ва Халқаро валюта жамғармаси билан ҳамкорлик қилиш дастури шартларига риоя қилишга чақирди. Бу ҳақда «Корреспондент.net» хабар қилмоқда.

Шунингдек, АҚШ давлат департаменти украиналик расмийларни коррупцияга барҳам беришга ҳамда олигархларнинг сиёсат ва иқтисоддаги ҳукмронлигини тугатишга чақирди.

«Украина халқи ўзгаришларни талаб қилмоқда ва у бунга муносиб. АҚШ халқнинг европача танловини қўллаб-қувватлашда давом этади», ― дейилмоқда баёнотда.