«Курдистон озодлиги қирғийлари» (ТАК) экстремистик гуруҳи Анқарада содир этилган портлаш учун жавобгарликни ўз зиммасига олди. Reuters агентлигига асосланиб «Ведомости»ининг ёзишича, гуруҳ Курдистон ишчи партияси билан алоқадорликда гумон қилинади.
17 февраль кечаси Анқара шаҳрида террорчи ҳарбий конвойга ҳужум уюштириб, миналаштирилган машинани ҳавога учирди. Портлаш парламент, бош штаб ва ҳарбий тураржой яқинида содир этилди. Чорраҳадаги светофор олдида тўхтаб турган, ҳарбий персонални олиб кетаётган транспорт колоннаси нишонга олинган эди. Оқибатда 28 киши ҳалок бўлди, шулардан 27 нафари ҳарбий хизматчилар эди.
Жангари гуруҳ тарқатган баёнотга кўра, теракт Туркия жануби-шарқидаги «Жизрадаги ертўлаларда яраланган ва ваҳшийларча ўлдирилган ҳимоясиз фуқаролар интиқоми» учун амалга оширилган.
Изоҳ (0)