Португалиянинг «Спортинг» жамоасида мураббийлик қилган йилларида «Реал» ҳужумчиси Криштиану Роналдуни тарбиялаган мутахассис Луиш Мартин футболчи, тақиқларга қарамай, бошқалардан кўра кўпроқ шуғулланишга интилгани ҳақида гапириб берди.
«У хатто тартиб-қоидани бузарди, – деди у «Чемпионат» мухбири билан суҳбатда. – Биз у билан мазкур масалада жиддий гаплашиб олганмиз ҳам. Роналдуни жазолашга тўғри келарди. У кўпроқ шуғулланишни истарди. Якшанба куни эрталаб учрашувларимиз ўтказиларди, шанба кечаси эса у қоровулнинг кўзини шамғалат қилиб, тренажёр залига яширинча кириб оларди. У қандай қилиб бунинг уддасидан чиққанини тасаввур қила олмайман».
Бу ҳолат аниқлангач, мураббий ёш футболчи билан жиддий суҳбат ўтказган ва жаримага тортган, негаки жисмоний зўриқиш ўйин сифатига салбий таъсир кўрсатиши мумкин эди. Ўша ойда Роналду стипендиясининг ярмини олган.
Криштиану Роналду «Спортинг»нинг ёшлар академиясига 1997 йилда ўтган. 2002 йилда «Спортинг»дан Англиянинг «Манчестер Юнайтед» жамоасига ўтган.
Изоҳ (0)