Чеченистон раҳбари Рамзан Қодиров Instagram’даги саҳифасида шу йилнинг март ойида Грознийнинг «Колизей» спорт саройида ўтказиладиган бокс кечаси тафсилотлари ҳақида маълумот берди.
Илгари хабар қилинганидек, кечанинг асосий жанги ўзбекистонлик Руслан Чагаев ва австралиялик Лукас Браун ўртасида ўтказилади.
«5 март куни ‘Колизей’ спорт саройида катта бокс кечаси бўлиб ўтади, – деб ёзади Қодиров. – Асосий жангда ‘Аҳмад’ клуби вакили Руслан Чагаев ва австралиялик Лукас Браун учрашади. Шунингдек, рингга Эдмунд Гербер, Висхан Мурзабеков, Апти Давтаев, Апти Устарханов, Ислам Едисултанов, Мовсар Юсупов, Рамзан Байсаров, Жабреил Музаев, Булат Бишиевлар чиқади».
Қодировнинг таъкидлашича, жангга тайёрланаётган спортчилар билан мураббий Педро Диаз, боксчилар Гильермо Ригандо ва Тайрон Спонглар маҳорат мактаблари ўтказган.
«Мен ҳам уларда иштирок этдим, – таъкидлади Чеченистон етакчиси. – Боксчиларимиз ажойиб натижалар кўрсатишига аминман».
Изоҳ (0)