Нурсултон Назарбоев рус тилида сўзловчиларга қозоқча жавоб қайтараётган ходимларни ишдан ҳайдашни талаб қилди

Нурсултон Назарбоев қозоғистонликларга яна бир бор мамлакат кўп миллатли ва кўп тилли эканлигини эслатиб ўтди. Бу ҳақда давлат раҳбари Олмаотадаги Универсиада объектларини кўздан кечириш жараёнида маълум қилган, дея хабар беради «Total.kz».

«Ўқиш жараёнида уч тиллиликка эътибор қаратганмиз, шунга асосланиш керак. Бироқ айрим амалдорлар подадан олдин чанг чиқариб, барчани қозоқча гапиришга мажбурламоқчи бўлади. Русча мурожаат қилинаётганида қозоқ тилида жавоб қайтарилаётган ҳолатлар ҳам бор. Прокуратура қаерга қараяпти? Агар фуқаро русча мурожаат қилган бўлса, унга шу тилда жавоб бериш керак. Рус тилидаги сўровга қозоқча жавоб қайтараётганлар намойишкорона ишдан ҳайдалсин!» — дея талаб қўйган Қозоғистон президенти.