Ҳиндистон шимолидаги Жаркханд вилоятида содир бўлган йўл-транспорт ҳодисаси 11 кишининг ўлимига олиб келди. 14 февраль, якшанба куни кечаси Багодар ва Гиридих аҳоли яшаш пунктлари орасида рўй берган мудҳиш воқеа тафсилотлари The Times of India нашрида келтирилди.
Айтилишича, юк машинаси Сарасвати маъбудасининг ҳайкалини дарёга тушириш мақсадида олиб кетаётган бир гуруҳ зиёратчиларга келиб урилган, бунинг оқибатида 11 киши ҳалок бўлган, 20 дан ортиқ одам жароҳат олган. Қурбонлар сони 15 кишига етган бўлиши ҳам мумкинлиги тахмин қилинмоқда.
Маҳаллий полиция вакили Упендра Кумарнинг баёнотига кўра, жароҳат олганларнинг 10 нафари оғир аҳволда.
Изоҳ (0)