Сомалининг Daallo Airlines авиакомпаниясига тегишли A321 йўловчи самолётининг бортида 2 февраль куни юз берган портлаш учун жавобгарликни «Аш-Шабоб» гуруҳи ўз зиммасига олди. Бу ҳақда Al Jazeera телеканали маълумотига таяниб, «ТАСС» хабар беради.
Daallo Airlines авиакомпаниясининг самолёти Сомали пойтахти Могадишодан Жибутига учиб чиққан эди. Бортида 74 йўловчи бўлган лайнер тўрт минг метр баландликка кўтарилганида гумбурлаган овоз эшитилган ва фюзеляжда ўнг қанот ёнида самолёт эшиги катталигидаги ёриқ пайдо бўлган. Учувчилар фавқулодда қўнишга қарор қилган. Ҳодиса натижасида бир киши ҳалок бўлган, яна икки киши яраланган эди.
Сомали Транспорт ва авиация вазири Али Аҳмед Жамак матбуот анжуманида ушбу портлашнинг теракт эканлигини маълум қилган эди.
Изоҳ (0)