«Ўзбекнаво» эстрада бирлашмаси лицензия бўлими бошлиғи Одил Абдуқаҳҳоров хонанда Тамилага лицензияси қайтариб берилиши шартини маълум қилди. Бу ҳақда «Даракчи» газетаси хабар бермоқда.
Эслатиб ўтамиз, бир муддат аввал Тамиланинг ахлоқсиз ҳаракатлари акс этган видеоёзув мессенжерларда тарқалиб кетган, шундан сўнг «Ўзбекнаво» эстрада бирлашмаси хонанданинг лицензиясини тугатган эди.
«Беҳаё видеоларнинг тарқалиши бизни ҳам ғазаблантирди», — деди Одил Абдуқаҳҳоров.
«Тамилага қўнғироқ қилганимда, иккита видеонинг бирида ўзи эканини тан олганди. Кейин ‘Ўзбекнаво’га чақиртирганимизда, ‘видеодаги мен эмасман’, деб туриб олди», — деди «Ўзбекнаво» вакили.
«Шунда видеоларни экспертизага топшириб, ундаги қиз ўзи эмаслигини тасдиқловчи ҳужжат тақдим этса, лицензиясини қайтаришимизни маълум қилдик», — деди Одил Абдуқаҳҳоров.
«Тамиладан тушунтириш хати олдик. Хонанданинг оғзаки гапига ишонмаймиз, чунки видеоларнинг бирида Тамила акс этгани шундоқ кўриниб турибди», — дея қўшимча қилди «Ўзбекнаво» лицензия бўлими бошлиғи.
Изоҳ (0)