Лионель Месси операциядан кейин машғулотларни бошлади

Испаниянинг «Барселона» клуби ҳужумчиси Лионель Месси буйрагида ўтказилган кичик операциядан кейин машғулотларга қайтди. Бу ҳақида клубнинг расмий сайти берган маълумотларга асосан «Uff.uz» хабар қилмоқда.

Шифокорларнинг тахмин қилишича, Месси «Селта»га қарши 14 февраль куни бўлиб ўтадиган учрашувга тўлиқ соғайишга улгуради.

28 ёшли Месси жорий мавсумда 17 марта майдонга тушиб, 12 та гол ҳамда 5 та голли узатмага муаллифлик қилган.

Эслатиб ўтамиз, ҳужумчи буйрагини операция қилдиргач, шифохонани тарк этганлиги ҳақида хабар қилинган эди.