Шифокорлар томонидан ўлганлиги қайд этилган хитойлик болакай кремация (ўликни куйдириш)дан бир неча дақиқа аввал ўзига келди. Бу ҳақда The Independent нашри маълумотига таяниб, «Bfm.ru» хабар беради.
Ўғил бола Чжэцзян провинциясида етти ойлик бўлиб туғилган. У уч ҳафтага яқин инкубаторда сақлангандан сўнг, унинг ота-онаси шифокорларнинг қаршилигига қарамасдан, Хитой Янги йилини нишонлаш учун болакайни уйига олиб кетган.
Бир неча кундан кейин чақалоқ касал бўлиб қолган. Уни тиббий марказга олиб келишганда эса у вафот этган. Шундан кейин унинг танаси ўликхонада минус 12 даражада 23 соат сақланган.
Кейинги куни ўликхона ходимлари уни крематорийга етказиш учун муз камерадан чиқарганда, чақалоқ кутилмаганда йиғлаб юборган.
Шифокорлар бу ҳолатдан ҳайратга тушиб, буни мўъжиза деб атади ва бундан кейин беморнинг ўлган эканлигини қайд этишдан аввал бунга такроран ишонч ҳосил қилишини таъкидлади.
Изоҳ (0)