Финляндиялик дарвозабон маҳаллий ўсмирлар лигаси доирасидаги ўйин чоғида бошидан шикастлангач, вафот этди, деб ёзади «ТАСС».
Ҳодиса 7 февраль, якшанба куни «Хямеэнлинна» ва «Хювинкяа» клублари ўртасида сунъий майдонда бўлиб ўтган учрашувда рўй берди. «Хямеэнлинна» дарвозабони рақиб жамоа ўйинчиси билан тўқнашиб кетди, натижада у бошидан оғир жароҳат олди ва касалхонага етказилди.
8 февраль куни футболчи вафот этди. Ўлимнинг аниқ сабаби, шунингдек, ўйинчининг исми ва ёши ошкор этилмаяпти.
Изоҳ (0)