Кения терма жамоаси спортчилари 2016 йили Рио-де-Жанейрода бўлиб ўтадиган Олимпиада ўйинларини Бразилияда тарқалган Зика вируси туфайли ўтказиб юбориши мумкин. Бу ҳақда мамлакат миллий олимпия қўмитаси раҳбари Кипчоге Кейно маълум қилди, дея хабар беради «ТАСС».
«Зика вируси эпидемия даражасигача кўтариладиган бўлса, спортчиларимиз ҳаётини хавф остига қўймаймиз», — дея таъкидлаган Кейно.
Бундан олдин АҚШ миллий олимпия қўмитаси ҳам мамлакат спортчилари Зика вирусидан ҳимояланган эканликларини ҳис этмаса, Бразилиядаги ўйинларга боришларининг ҳожати йўқ эканлигини билдирганди.
Бразилия президенти девонхонаси бошлиғи Жакис Вагнер Зика безгаги туфайли Олимпиада бекор қилинмаслигини билдирар экан, ҳомиладор аёлларга ўйинларни томоша қилиш учун бормасликни тавсия этди.
Изоҳ (0)