Енгил атлетика федерациялари халқаро ассоциацияси (IAAF) халқаро мусобақаларда иштирок этиши ман қилинган россиялик енгил атлетикачилар рўйхатини эълон қилди. Бу ҳақда «Спорт-Экспресс» хабар бермоқда.
Россия енгил атлетика федерацияси аъзолиги тўхтатилиши муносабати билан мазкур рўйхатга жами 4027 нафар россиялик атлетлар киритилди. Улар орасида Елена Исинбаева, Иван Ухов, Анна Чичерова, Екатерина Конева, Дарья Клишина, Сергей Шубенков каби таниқли спортчилар бор.
Россия томони ушбу вазиятдан чиқиш учун барча чораларни амалга оширди: маҳаллий федерация раҳбарияти тўлиқ ўзгартирилди, аксилдопинг хизмати эса чет эллик ҳамкасблар раҳбарлиги остида ишламоқда.
Россиялик атлетларнинг 2016 йилги Олимпиадада иштироки ҳақида узил-кесил қарор ҳозирча қабул қилинмаган.
Изоҳ (0)