Самарқанд вилоятида тадбиркорларнинг қонуний манфаатларини бузган барча тоифадаги мансабдор шахсларга нисбатан жиноий жавобгарликкача бўлган қатъий чоралар кўрилмоқда. Бу ҳақда «Зарафшон» газетаси хабар бермоқда.
Хабар беришларича, Ургут туман Давлат солиқ инспекциясининг тўрт нафар инспектори 19 тадбиркордан даромад солиғи учун деб, 33 миллион сўмлик солиқ ва суғурта бадалларни йиғиб олган.
Бироқ бу маблағлар тадбиркорларнинг ҳисоб варақасига киритилмасдан, солиқ инспекторлари томонидан ўзлаштириб юборилган.
«Солиқ инспекторлари Жиноят кодексининг тегишли моддалари билан жиноий жавобгарликка тортилиб, уларга нисбатан жазо муқаррарлиги таъминланди», — дейилади газета хабарида.
Изоҳ (0)