2 февралда фавқулодда ерга қўнишга мажбур бўлган Daallo Airlines A321 русумли самолётининг бортига ҳарбий тусдаги портловчи мослама ноутбукда олиб кирилган. Бу ҳақда CNN телекомпанияси берган маълумотларга асосан «Корреспондент.net» хабар қилмоқда.
Тергов жараёни билан танишиш ҳуқуқига эга бўлган вакилларнинг маълум қилишича, портлатишни содир қилган шахс сомалилик Абдуллаҳий Абдисалам Борлех эканлиги аниқланган.
Тахмин қилинишича, Борлех ичида портловчи мослама жойлаштирилган ноутбукни самолётга олиб кирган.
Жиноятчи салондаги ўриндиқ жойини танлашда самолётга имкон даражада жиддий зиён етказишни мақсад қилган. Қўлбола портловчи мослама ёқилғи бакларини портлатиб юборишга мослаштирилиб ўрнатилган.
Расмийлар терактни «Аш-Шабоб» исломий гуруҳи ташкиллаштирган деб ҳисобласа-да, Борлехнинг мазкур гуруҳга алоқадорлиги ҳозирча аниқланмаган.
Эслатиб ўтамиз, экспертлар корпусдаги ёриқ туфайли Сомалига шошилинч равишда қўнган A321 самолёти бортидаги портлаш теракт натижасида келиб чиққан деб баҳолаган эди.
Изоҳ (0)