27 ёшли Рафаэль Шумахер спектакл чоғида саҳнада ўзини осиб қўйгандан сўнг, шифохонага етказилди. Бу ҳақда Tjournal хабар беради.
Teatro Lux театрида намойиш этиладиган саҳна асарида у омма олдида ўзини ўлдирадиган қаҳрамоннинг ролини ижро этиши керак эди. Шифокор бўлган томошабинлардан бири унинг талвасаси ҳақиқий эканлигини пайқаб қолган ва актёрнинг ҳаёти сақлаб қолинган.
Ҳодисадан сўнг аниқланишича, реквизитлар театр раҳбарияти рухсатисиз алмаштирилган, сохта арқон эса ҳақиқий бўлган. Сценарий бўйича дастлаб қаҳрамон ўзини отиши керак эди, бироқ Шумахер арқон билан боғлиқ ғояни таклиф қилган.
Полиция мурожаат қилган актёрнинг онаси бу режалаштирилган ўз жонига қасд қилиш бўлиши мумкинлиги ҳақидаги фикрни рад этган. Унинг фикрича, ўғлининг ўз жонига қасд қилишига ҳеч қандай асос бўлмаган.
Изоҳ (0)