АҚШнинг Жоржия штатидаги энг қари маҳбус 37 йил олдинги қотиллик учун қатл этилди
Жоржия штатининг расмийлари 37 йил олдин одам ўлдирган жиноятчини қатл этди. Бу ҳақда Reuters берган маълумотларга асосан «ТАСС» хабар қилмоқда.
Жоржия штатида йил бошидан буён илк бор ижрога қаратилган қатл одамни ўлдирувчи инъекция йўли билан амалга оширилди.
Маълум қилинишича, маҳкум Брэндон Астор Жонс Жоржия штатида қатл этилган биринчи қария ҳисобланади ва у 73 ёшини нишонлашига икки ҳафта қолган эди.
Жонс 1979 йилда ўғирлик содир этиш ҳаракатида дўконнинг эгасини ўлдирганлиги учун ҳибсга олинган эди. Унинг шериги ҳам ўлим жазосига ҳукм қилиниб, 1985 йилда қатл этилган.
Йил бошидан буён АҚШда ижрога қаратилган қатллар сони Жонснинг қатли билан бирга бештани ташкил этди. Ўтган 2015 йилда Жоржияда беш нафар, АҚШда эса жами 28 нафар жиноятчи қатл этилган эди.
