Қозоғистонда 2016 йил 1 январь ҳолатига кўра, чет эл иштирокидаги 33,5 мингдан зиёд юридик шахс рўйхатга олинган, улардан фақат 16,9 мингтаси фаолият юритаётган деб топилди. Бу ҳақда мамлакат статистика қўмитасига таяниб, LS хабар берди.
Қозоғистонда энг кўп Россия иштирокидаги компаниялар фаолият юритади, уларнинг сони 5,8 мингга тенг.
Шунингдек, 1,6 мингта Туркия, 950 та Нидерландия, 845 та Германия, 668 та Хитой, 586 та Ўзбекистон компаниялари ишлайди. Америка капитали қарийб 500 та, Бирлашган Қироллик капитали эса 495 та компанияда мавжуд.
Бундан ташқари, Қозоғистонда Украина, Корея, Британиянинг Виргиния ороллари, Қирғизистон, Швейцария, Кипр, Ҳиндистон, Эрон, КХДР ва бошқа мамлакатлар капиталлари иштирокидаги корхоналар фаолият юритади.
Изоҳ (0)