Дания парламенти қочоқлар мол-мулкини мусодара этишни назарда тутувчи қонунни маъқуллади. Овоз бериш чоғида 81 киши мазкур қонунни ёқлаган, 27 киши қарши чиққан ва бир киши бетараф қолган. Бу ҳақда «РБК» хабар бермоқда.
Ҳужжатга кўра, қочоқлар мамлакат ҳудудида 10 минг Дания кронидан (1450 доллар атрофида) юқори бўлмаган мол-мулкка эга бўлиши мумкин, ундан ошиғи олиб қўйилади. Алоҳида қийматга эга бўлган буюмлар (масалан, никоҳ узуги) мусодара этилмайди, бироқ мазкур қоида соат, телефон ёки компьютерга нисбатан татбиқ этилмайди.
The Guardian манбаларига кўра, Дания ҳукумати ушбу чорани қочоқлар учун сарфланадиган харажатларни қоплаш ва муҳожирларни ишсизлик нафақасига яшовчи данияликлар билан тенглаштириш (уларнинг ҳам 10 минг крондан ошиқ мулки мусодара этилади) учун қўлламоқда.
Изоҳ (0)