Суриянинг Алеппо шаҳрида юз берган теракт оқибатида 23 киши қурбон бўлди

Сурия шимолидаги Алеппо шаҳрида юз берган теракт оқибатида камида 23 киши қурбон бўлди, ўнлаб кишилар яраланди. Бу ҳақда Reuters берган маълумотларга асосан «Европейская правда» хабар қилмоқда.

Маълум қилинишича, худкуш террорчи «Аҳрор аш-Шом» гуруҳига тегишли бўлган назорат пунктида ёқилғи ташувчи юк машинасини портлатиб юборган.

Портлаш оқибатида гуруҳнинг тўрт нафар қўмондони ва тўрт нафар тинч аҳоли вакили ҳалок бўлгани хабар қилинмоқда.

Бундан ташқари, портлаш ён-атрофдаги учта бинони вайрон қилиб, ўнлаб одамлар вайроналар остида қолиб кетган.

«Аҳрор аш-Шом» вакиллари ҳозирча ҳодисага шарҳ бермади.