Эроннинг миллиардлик шартномалари, АҚШни бошқара оладиган Ҳиллари, Путинанинг Facebook’даги саҳифаси ва куннинг бошқа муҳим янгиликлари

26 январнинг муҳим янгиликлари — «Дарё»нинг кечки дайжестида.

1. Эрон ва Италия ўртасида 17 миллиард еврога тенг шартномалар имзоланди. Санкциялардан қутилган Эрон, қандайдир ўзига хос тезлик билан, бирин-кетин миллиардлик шартномаларни имзоламоқда.

2. Афғонистонда Абу Райҳон Берунийнинг қабри бутунлай йўқолиб кетиш хавфи остида турибди. Қувонарли томони, Ўзбекистондаги Бобур халқаро жамоат фонди Навоий мақбарасида ободонлаштириш ишларини олиб борди.

3. Барак Обама: Ҳиллари Клинтон мамлакатни биринчи кунданоқ бошқаришга қодир. АҚШнинг биринчи афроамерикалик президенти уни мамлакатнинг биринчи аёл президенти алмаштириши мумкинлигига қандай муносабатда эканлигини билдирди.

4. Таиланддан топилган самолёт бўлаклари Малайзиянинг йўқолган самолётига тегишли эмас. Таиланднинг жанубий соҳилларидан топилган самолёт бўлаклари 2014 йилнинг мартида изсиз йўқолган Малайзия Boeing’ига тегишли деб тахмин қилинаётган эди.

5. Артур Очеретний Владимир Путиннинг собиқ хотинини «меники» деб атади. Путиннинг матбуот котиби бу каби хабарларга изоҳ беришдан бош тортди, Facebook’да эса Путиннинг собиқ хотинига тегишли саҳифа топилди.