Исроил ҳарбий-ҳаво кучлари ракета ҳужумига жавобан Ғазо секторидаги «Ҳамас»нинг лагерини йўқ қилди

Исроил ҳарбий-ҳаво кучлари 25 январь, душанба кунига ўтар кечаси «Ҳамас»нинг Ғазо сектори марказий қисмидаги машғулотлар лагерига авиазарба уюштирди. Бу ҳақда Исроил Мудофаа армияси берган маълумотларга асосан «Интерфакс» хабар қилмоқда.

Авиазарбалар Ғазо сектори ҳудудидан бир кун олдин учирилган ракеталарга жавобан уюштирилди.

Ракеталар Исроилнинг жанубий қисмида портлаган. Қурбонлар ва етказилган зарар ҳақида маълумот йўқ.