Жанубий Кореянинг Қизил Хоч жамияти ядро синовидан сўнг КХДР билан ҳамкорликни тўхтатди

Жанубий Кореянинг Қизил Хоч жамияти Пхеньян томонидан ўтказилган ядро синовидан сўнг, КХДР билан ўзаро алоқаларни тўхтатди. Бу ҳақда ташкилот томонидан 20 январь, чоршанба куни тарқатилган хабарда маълум қилинган, дея хабар беради «ТАСС».

Олдинроқ Қизил Хоч Жанубий Кореядаги бўлинган оилалар аъзоларидан Шимолда яшовчи қариндошларига 10 мингга яқин видеомурожаат тайёрлаб қўйганди, бироқ ядро синови туфайли юзага келган мураккабликлар сабаб улар қўшни тарафга етказиб берилмаган. Бундан ташқари, аввал Сеул ва Пхеньян алмашиш дастурларида иштирок этишга тайёр бўлган оилалар аъзолари рўйхатини ўзаро айирбошлашни ҳам режалаштирган, бироқ бу жараён ҳам тўхтатиб қўйилди.