Британиялик боксчи Тайсон Фьюри ва украиналик Владимир Кличко ўртасида реванш жангини ўтказиш 2016 йилнинг 7 май кунига режалаштирилди. Бу ҳақда The Daily Star хабар беради.
Жанг санаси расман тасдиқланмаган бўлса-да, ҳар иккала томон келишувга келди.
Нашрнинг маълум қилишича, дастлаб Фьюри реваншни Англия футбол майдонларидан бирида ўтказишни хоҳлаган. Бироқ ҳозирги пайтда Мюнхендаги «Альянс Арена» жанг ўтказилиши эҳтимоли катта бўлган жой ҳисобланмоқда.
Эслатиб ўтамиз, Дюссельдорфда (Германия) 2015 йилнинг 29 ноябрга ўтар кечаси WBA (Супер), WBO ва IBF йўналишлари бўйича ўта оғир вазндаги жаҳон чемпиони Владимир Кличко ва Тайсон Фьюри ўртасида жанг бўлиб ўтган ва унда ҳакамларнинг якдил қарорига кўра Фьюри ғолиб деб топилган эди.
Изоҳ (0)