SpaceX учинчи уринишда ҳам ракетанинг биринчи босқичини денгиз платформасига қўндира олмади

SpaceX хусусий космик компаниясига тегишли Falcon 9 ракета ташувчисининг биринчи босқичи океандаги платформага муваффақиятли қўнолмади. Meduza’нинг ёзишича, SpaceX компанияси Falcon 9 ни учинчи марта океанга қўндиришга уриниб кўрди.

SpaceX асосчиси Илон Маскнинг маълум қилишича, таянчларидан биридаги носозлик сабаб, модул ўзини мустаҳкам тик ҳолатда сақлаб қола олмаган.

Falcon ландс он дронешип, бут тҳе лоcкоут cоллет доэснът латч он оне тҳе фоур легс, cаусинг ит то тип овер пост ландинг. Роот cаусе май ҳаве беен иcе буилдуп дуэ то cонденсатион фром ҳеавй фог ат лифтофф.

А видео постед бй Элон Муск (@elonmusk) он Жан 17, 2016 ат 7:07пм ПСТ

Аввалроқ компания ракета ташувчининг биринчи босқичини қуруқликдаги махсус тайёрланган майдончага қўндиришга муваффақ бўлганди. SpaceX’нинг режасига кўра, ракетанинг биринчи босқичини қўндиргандан сўнг, ундан қайта фойдаланиш ва шу йўл юклар ва одамларни фазога олиб чиқиш бўйича харажатларни сезиларли қисқартириш мумкин.

https://www.youtube.com/watch?v=ecLdz1p-_Rw

Мазкур парвоздан кўзланган асосий мақсад NASA буюртмасига асосан Жасон-3 сунъий йўлдошини ҳаракатга келтиришдан иборат эди. Сунъий йўлдош белгиланган орбитага муваффақиятли олиб чиқилди.

SpaceX компанияси Falcon 9 нинг биринчи босқичини 2015 йил 22 декабрь куни қуруқликка муваффақиятли қўндирган эди.

Бунгача Amazon асосчиси Жефф Безосга тегишли Blue Origin компанияси двигателли ракета модулини қўндиришга муваффақ бўлганди. Бироқ, Falcon 9 дан фарқли равишда, бу фазовий кема фақат сайёҳлик мақсадларига ва суборбитал парвозларга мўлжалланган.