Эронда Саудия Арабистони элчихонасига уюштирилган ҳужум ташкилотчилари ҳибсга олинди

Эронда Саудия Арабистони элчихонасига уюштирилган ҳужум ташкилотчилари эканлиги айтилаётган уч киши ҳибсга олинди. Бу ҳақда Теҳрон прокурори Аббос Давлатободий маълум қилган, дея хабар беради «РБК».

Қўлга олинганларнинг шахси, шунингдек, ҳужумни ташкиллаштиришдаги ўрни ҳақида тафсилотлар берилмаган.

Эслатиб ўтамиз, олдинроқ Эрон президенти Ҳасан Руҳоний мамлакат олий судидан Саудия Арабистони  дипломатик ваколатхоналарига ҳужум қилганларни жазолашни сўрагани ҳақида хабар берилганди.