Нетаньяхуни Швеция ТИВ раҳбарининг фаластинликларнинг ўлдирилиши ҳақидаги сўзлари ғазаблантирди
Исроил бош вазири Биньямин Нетаньяху Швеция ТИВ раҳбари Марго Вильстремнинг исроиллик ҳарбийлар томонидан фаластинликларнинг ўлдирилиши қонунга зид бўлиши мумкинлиги ҳақидаги сўзларини ғазаблантирувчи сўзлар деб атади. Бу ҳақда «Корреспондент.net» хабар беради.
Аввалроқ Вильстрем ҳудудда охирги ойлар давомида фаластинликларнинг ўлдирилиши юзасидан чуқур ва холис суриштирув олиб боришга чақирган эди.
«Менимча, Швеция ТИВ раҳбарининг сўзлари кишини ғазаблантирувчи, ахлоқсиз ва ноҳақ сўзлар ҳисобланади… Одамлар уларга пичоқлар билан ҳужум қилиб, ўлдиришга тайёр бўлган кишилардан ўзларини ҳимоя қилиш учун уларга жавобан ўқ узмоқда. Бу ҳаракатлар ноқонуний одам ўлдириш деб аталадими?» — деди унга жавобан Нетаньяху.
Ўтган йилнинг октябрь ойидан буён Исроилда 150 дан ортиқ фаластинлик ўлдирилган. Исроил томони уларнинг аксарияти ўзлари ҳужум қилган пайтда ўлдирилганлигини таъкидламоқда.
Яқинда бўлиб ўтган тўқнашувлардан бирида 26 нафар исроиллик ўлдирилган.
