Сурия қўшинлари Хама провинциясининг шимолида 30 дан зиёд террорчини йўқ қилди

Сурия армиясининг ҳарбийлари кўнгиллилар қўшини ҳамкорлигида 9 январь, шанба куни Хама провинциясининг шимолига ҳужум уюштирди. Бу ҳақда SANA агентлиги берган маълумотларга асосан «ТАСС» хабар қилмоқда.

Маълум қилинишича, ҳужум давомида «Жайш ал-фатҳ» гуруҳининг 30 нафардан зиёд террорчиси, дала қўмондони, ироқлик Абу Бакр ал-Асади билан биргаликда йўқ қилинди. Душманнинг 7 та ҳарбий-транспорт воситаси ишдан чиқарилди.

Таъкидланишича, ҳукумат кучлари қўшни Идлиб провинциясида ҳам жангари гуруҳларни таъқиб қилмоқда. Сармания ҳудудида бўлиб ўтган қуролли тўқнашувлар натижасида «Жайш ал-фатҳ»нинг яна олти нафар ёлланма жангариси йўқ қилинди.