Оқ уй КХДРни халқаро мажбуриятларга риоя этишга чақирди

Оқ уй Шимолий Кореяни халқаро мажбуриятларга риоя этишга чақирди. Бу ҳақда АҚШ Миллий хавфсизлик кенгашининг матбуот котиби Нед Прайс баёнотига таяниб, «РИА Новости» хабар беради.

«Ҳозирча ушбу баёнотни тасдиқлай олмаймиз, биз БМТ Хавфсизлик кенгаши резолюциясини ҳар қандай бузишни қоралаймиз. Яна бир марта Шимолий Кореяни халқаро мажбуриятларга риоя этишга чақирамиз», — дейди Прайс.

Прайс АҚШ Шимолий Кореянинг ҳар қандай провокациясига тегишли тарзда жавоб қайтаришини маълум қилди.

КХДРнинг водород бомбасини синовдан ўтказганлигини Япония ва Жанубий Корея ҳукуматлари ҳам кескин қоралади.