Австралия Шимолий Корея ўтказган ядровий синовларни кескин қоралади

Австралия Ташқи ишлар вазирлиги КХДРда 6 январь, чоршанба куни ўтказилган ядровий синовларни қоралаб чиқди. Бу ҳақда вазирликнинг расмий сайтида келтирилган баёнотга таянган ҳолда «РИА Новости» хабар қилади.

Баён қилинишича, Австралия, ядровий портлатишни амалга оширди дея маълум қилинаётган Шимолий Корея режимининг провокацион ва хавфли ҳаракатини энг кескин шаклда қоралайди.

Таъкидланишича, бомба синовлари БМТ Хавфсизлик Кенгашининг бир қатор резолюциялари ва Ядровий қуролни тарқатмаслик шартномаси, Ядровий синовларни кенг қамровда тақиқлаш шартномаси каби халқаро келишувларга зид равишда ўтказилган.

Эслатиб ўтамиз, Жанубий Корея разведкаси КХДРда водородли портлаш содир бўлганини шубҳа остига олди.

• Воқеалар ривожи: КХДРнинг водород бомбаси