ОАВ: Туркия Қатарда ҳарбий база барпо этади

Туркия Қатар билан икки томонлама ҳамкорлик доирасида ушбу мамлакатда ўзининг ҳарбий базасини жойлаштирмоқчи. Бу ҳақда Reuters берган маълумотларга асосан «Корреспондент.net» хабар қилмоқда.

«Туркия ва Қатар умумий муаммоларга дуч келмоқда. Биз ҳудуддаги вазиятдан ва айрим давлатларнинг мавҳум сиёсатидан ташвишдамиз», ― деди Туркиянинг Қатардаги фавқулодда ва мухтор элчиси Аҳмед Демирок.

Маълум қилинишича, Қатарда барпо этиладиган кўп тармоқли базада уч мингга яқин пиёда аскар ва инструкторлар, шунингдек, Ҳарбий-денгиз кучлари ва Ҳарбий-ҳаво кучлари ҳарбийлари жойлаштирилади.

Элчининг таъкидлашича, Қатар ҳам Туркияда ўзининг ҳарбий кучларини жойлаштириши мумкин. Қатар ҳозирча бу хабарга изоҳ бермади.