Миллиардерларнинг сони сўнгги 20 йил ичида 5 баробарга кўпайди

Миллиардерларнинг сони дунё бўйлаб 4,76 баробарга ошиб 1347 кишини ташкил қилди. Бу ҳақда UBS ва PricewaterhouseCoopers ҳисоботида келтирилган маълумотларга асосан «Корреспондент.net» хабар қилмоқда.

Миллиардерларнинг моддий фаровонлиги жаҳон иқтисодиётидан анчагина илгарилаб кетиб, 1995 йилдан 2014 йилгача бойиб кетган одамлар сони саккиз баробарга ошиб, уларнинг бойлиги жами 5,4 триллион долларни ташкил қилди. Жаҳон ялпи ички маҳсулоти эса, шу давр ичида бор йўғи уч баробарга ошиб, 77 триллион долларга етди.

Ҳисоботда маълум қилинишича, 1995 йилдан ҳозирги кунга қадар аёл миллиардерларнинг сони 6,6 баробарга ошиб, уларнинг кўпайиш кўрсаткичи эркак миллиардерларга нисбатан анча юқори суръатда давом этиб, 22 кишидан 145 кишига етди.

Эркак миллиардерларнинг сони шу давр ичида 5,2 баробарга кўпайган бўлсада, рейтингдаги 1300 нафар энг бой одамнинг 90 фоизини эркаклар ташкил этади.