Калифорнияда 120 минг долларлик рождество арчаси ёниб кетди

АҚШнинг Калифорния штатидаги Коста-Меса шаҳрида, ҳукумат 120 минг долларга харид қилган байрам арчаси ёниб кетди. Бу ҳақда «Сегодня.ua» хабар қилмоқда.

Тахминан 30 метр бўйга ва 10 тонна оғирикка эга бўлган дарахт безатилган ҳолда йирик меҳмонхона олдидаги боғнинг ичига ўрнатилган эди. Олов бир зумда арчани қуршаб олиб, у 40 дақиқага етмасдан куйиб битди. Ёнғиндан содир бўлган қора тутуннинг қуюни ҳодиса содир бўлган жойдан бир неча километр узоқликдан кўринди.

Ўт ўчирувчилар арчани, аниқроғи, ундан қолган ходани ўчиришга муваффақ бўлди.

Арча 13 октябрда ўрнатилган бўлиб, бир ой давомида безатилган эди. Ёнғин тасодиф туфайли содир бўлганми, ёки қасддан ўт қўйилганми номаълум. Полиция ҳодиса сабабларини ўрганмоқда.