Аргентинада жандармерия ходимлари бўлган автобуснинг баландликдан қулаб кетиши оқибатида 42 киши қурбон бўлди, деб хабар беради «РБК».
Маҳаллий ҳукумат вакили Франциско Маринаронинг маълум қилишича, автоҳалокат мамлакат шимоли-ғарбидаги Сальта вилоятида содир бўлган.
Дастлабки маълумотларга кўра, автобус 18 метр баландликдан қулаб тушган. Тўққиз кишини қутқариб қолишга муваффақ бўлишган.
Автобус учта транспорт воситасидан иборат колоннада ҳаракатланаётган бўлган. Уларнинг барчасида давлат чегараларини қўриқловчи жандармерия ходимлари бўлган. Бошқа автобус йўловчилари ҳалокатга учраган автобуснинг йўловчиларини қутқаришга ҳаракат қилган.
Мамлакат президенти Маурисио Макри ҳалок бўлганларнинг оилаларига ҳамдардлик билдирди. Шунингдек, бундан кейин бу каби ҳолатлар такрорланмаслиги учун мамлакат йўллар аҳволини яхшилаши лозимлигини маълум қилди.
Изоҳ (0)