Фучжоу аэропортида ўт ўчирувчиларнинг хатоси туфайли парвозга чиқаётган Boeing’га сув сепилди
Хитойдаги Фучжоу шаҳар аэропортининг ўт ўчирувчилари англашмовчилик оқибатида парвозга шайланиб турган Boeing 737-800’ни ўт ўчириш кўпигига бўктирди. Бу ҳақда «ТАСС» хабар қилмоқда.
Таъкидланишича, ҳодиса туфайли яроқсиз ҳолга келган двигателларни алмаштиришга 120 миллион юань (18,6 миллион доллар) сарфлаш керак бўлади.
Аниқланишича, ўт ўчирувчиларга Air China компаниясининг авиалайнерида ёнғин чиқиш эҳтимоли борлиги ҳақидаги хабар келиб тушган. Эҳтимолга кўра, ўт ўчирувчилар зудлик билан ишлаб турган двигателни махсус кўпик ёрдамида хавфсизлантиришни режа қилиб чиққан бўлиб, носоз самолёт учувчиси двигателни ўчиришга муваффақ бўлган, лекин бу ҳақда ўт ўчирувчиларни огоҳлантирмаган. Учиш йўлагига кириб келган ўт ўчирувчилар двигатели ишлаб турган бошқа авиалайнерни кўриб, унга қарата кўпик билан «ҳужум» қилган.
