Россиянинг Воронеж вилоятидаги интернатда юз берган ёнғин оқибатида 7 киши ҳалок бўлди

Россиянинг Воронеж вилоятидаги психоневрологик интернатда юз берган ёнғин оқибатида етти киши ҳалок бўлди. Бу ҳақда Россия ФВВ матбуот хизмати маълумотига таяниб, «РБК» хабар беради.

Бошқарманинг маълум қилишича, икки киши ёнғин оқибатида олган шикастланишлар натижасида шифохонага жойлаштириш давомида ҳалок бўлган. Яна беш кишининг жасади ёнғин юз берган ҳудудда амалга оширилган қидирув-қутқарув операциялари давомида топилган.

Ёнғин юз берган пайтда бинода бўлган интернатнинг 17 нафар беморининг тақдири ҳозирча номаълум. Манбаларнинг маълум қилишича, бедарак йўқолган беморлар ётиб даволаниш режимида даволанаётган, кам ҳаракат беморлар бўлган.