КХДР ТИВ инсон ҳуқуқлари билан боғлиқ вазиятни БМТ Хавфсизлик Кенгаши муҳокама қилишига эътироз билдирди

«Инсон ҳуқуқлари билан боғлиқ вазиятни муҳокама қилиш БМТ Хавфсизлик Кенгаши ваколатига кирмайди, Кенгаш глобал тинчлик ва хавфсизликни таъминлашга қаратилган долзарб масалаларнинг ечимини топиш ҳақида ўйлаши керак», ― деди КХДР Ташқи ишлар вазирлиги вакили. Бу ҳақда «ТАСС» хабар қилмоқда.

Хавфсизлик Кенгаши томонидан Корея яриморолининг шимолида инсон ҳуқуқлари билан боғлиқ вазиятга бағишланган мажлис ўтказиш ҳақидаги қарори КХДР ТИВнинг шу мазмундаги эътирозига сабаб бўлди.

Россия, Хитой, Венесуэла ва Ангола Шимолий Корея БМТ Хавфсизлик Кенгаши томонидан КХДРда инсон ҳуқуқлари билан боғлиқ вазиятни муҳокама қилинишига қарши овоз берди. Шунга қарамай, мажлис бўлиб ўтади, чунки, Хавфсизлик Кенгашининг тўққиз нафар аъзоси, шу жумладан, АҚШ, Буюк Британия, Иордания, Литва, Франция ва Янги Зеландия мажлис ўтказишни ёқлаб чиқди. Яна икки давлат ― Нигерия ва Чад бетараф бўлди.

Процедура масалалари бўйича Кенгаш томонидан овозга қўйилган қарорлар кўпчиликнинг овози билан қабул қилинади. Бунда Хавфсизлик Кенгашидаги беш нафар доимий аъзо (Россия, Буюк Британия, Хитой, АҚШ ва Франция)нинг вето қўллаш ҳуқуқи тадбиқ этилмайди.