11 декабрь, жума куни, Парижнинг марказида, қуролланган ўғри Chopard заргарлик туркумидаги заргарлик дўконидан 1 миллион евро қийматидаги қимматбаҳо безакларни ўғирлаб кетди. Бу ҳақда AP агентлиги берган маълумотларга асосан «Интерфакс» хабар қилади.
Ўғирлик кечаю-кундуз қўриқланадиган Елисей саройининг қарама-қаршисидаги бутик дўконида содир бўлди.
Полиция маълумотига кўра, талончилик вақтида ҳеч ким зарар кўрмаган.
Агентликнинг таъкидлашича, Париждаги заргарлик дўконлари кўпинча ўғрилар нишонига тушиб туради, бироқ, президент саройи рўпарасидаги дўконни тунашга ҳар кимнинг ҳам юраги дов беравермайди.
Изоҳ (0)