Франция собиқ президенти Жак Ширак тиббий кўрикдан ўтиш учун шифохонага ётқизилди. Бу ҳақда «РИА Новости» унинг қизи Клоднинг маълумотига таяниб хабар беради.
Клод Ширакнинг маълум қилишича, 83 ёшли сиёсатчининг соғлиғига ҳеч қандай хавф йўқ.
«Охирги бир неча кун давомида ўзини заиф ҳис қилаётган Жак Ширак соғлиғини тўлиқ текширувдан ўтказиш учун шифохонага жойлаштирилди. У касалхонада бир неча кун бўлади», — деди Ширакнинг қизи.
Жак Ширак Франциянинг 22-президенти бўлиб, 1995—2007 йилларда мамлакатни бошқарган.
Изоҳ (0)