ХХРнинг жануби-ғарбида жойлашган Юньнань вилоятида икки динозаврнинг тошга айланган қолдиқлари топилди. Топилмаларнинг ёши 180 миллион йил атрофида, деб хабар беради «РИА Новости».
«Синьхуа» агентлигининг маълум қилишича, тошқотган динозавр қолдиқлари Луфэн уездидан ўтган ойда топилган, бироқ археологлар томонидан энди маълум қилинган.
Луфэн уездининг геологик меросни ҳимоя қилиш департаменти раҳбари Ван Таонинг сўзларига қараганда, бу қолдиқлар люфенгозаврларнинг икки тури – Lufengosaurus Magnus ва Lufengosaurus Huenei’га тегишлидир. Динозаврларнинг ушбу тури Юра даврида яшаган бўлиб, уларнинг узунлиги тўққиз метргача етган.
Люфенгозаврлар ўтхўрлар бўлиб, улар ҳозирги Хитой ҳудудида яшаган.
Изоҳ (0)