Красноярсклик Николай Каклимов 12 соат давомида 4989 марта турникда кўтарилиб, дунё рекордини ўрнатди. Бу ҳақда «ТАСС» хабар бермоқда.
5 декабрь, шанба куни судьялар коллегияси томонидан қайд этилган рекорд видеоёзувини Россия рекордлар китоби ва Гиннес рекордлар китоби қўмиталарига юбориш режалаштирилмоқда. Олдинги дунё рекорди чехиялик Ян Каресга тегишли бўлиб, у 2014 йили 6 соатда 3378 ва 12 соатда 4654 маротаба турникда кўтарилган.
54 ёшли полиатлон бўйича спорт устаси Николай Каклимов олдинлари ҳам Россия рекордлар китобидан ўрин олган, жумладан, шу йил август ойида 30 дақиқа мобайнида 494 маротаба турникда тортилганди.