Американинг Калифорния штати жанубида Чехиянинг L-39 Albatros ўқув-машғулот самолётининг ҳалокатга учраши оқибатида икки киши қурбон бўлди. Бу ҳақда Associated Press хабар беради.
Авиаҳалокат 6 декабрь, якшанба куни маҳаллий вақт бўйича 14:00 да Эппл Вэлли аэропорти яқинидаги Сан-Бернардино округида юз берди.
АҚШ фуқаролик авиацияси федерал бошқармасининг маълум қилишича, самолёт Веллидан учган заҳотиёқ қулаб тушган ва тўлиқ ёниб кетган. Ҳар иккала учувчи ҳалок бўлган.
Ҳодиса натижасида ерда ҳеч ким жабрланмади. Авиаҳалокат сабаблари аниқлаштирилмоқда.
Изоҳ (0)